پارتی حزبا ئێكێ ل عیراقێ
شیلان ئیدریس
دیاربوو سهنگا درووشمێ پارتی دیمۆكراتی كودرستان چهندا گونجای و دورسته و هاته بهرههمئینان و ئێكهم خالا سهركهفتنا ڤی درووشمی پێكئینانا حوكمهتا سێ قولی یه. پارتی بهرێ پێكئینانا حوكمهتا ههرێما كوردستانێ یا پێكههێ ههڕێمێ د پێكئینانا حوكمهتا عیراقێ دا بهێز دكهت ئهڤه ژی ل دووڤ درووشمێ (بهر ب كوردستانهكا ب هێز)، د پێكئینانا كابینا نوویا حوكمهتا ههرێما كوردستانێ دا ههولێن بهرفڕههـ ژلایێ پارتی دیمۆكراتی كوردستان و ب سهر پهرشتیا نێچیرڤان باڕزانی یێن دهێنهكرن ژ بهر وێ سهربۆرا سهركهفتی د سهربۆرێن بوورین دا و قورتالكرنا ههرێمێ ژ باندۆرێن سیاسی و ئابووری و دهربازكرنا وان پلان و ناكۆكیێن جودا یێن لایهنێن سیاسی. ژ بزاڤێن ههنێ ژی كۆمبوونێن بوورین ل گهل ئێكهتی و تهڤگهڕا گۆران و قهبوولكرنا داخوازین ههردو لایهنێن سیاسی بۆ پێكئینانا حوكمهتێ گرۆڤهیهكه كو پارتی یا ل ژێر وی درووشمێ هاتیه راگههاندن كاردكهت و بدهسڤهئینانهكا هێزهكا باش بۆ بهغدا ل دووڤ دا حوكمهتهكا ب هێز ئاڤا بكهت بۆ ههرێما كوردستانێ.
ئهڤ ههموو بزاڤانه ددیار و پێشچاڤن ل سهر ئاستێن دهولی و عیراقی ژ وان ژی چوونا مهسعود بارزانی و ب رێز مهسرۆر بارزانی بۆ بهغدا و وێ پێشوازیا لێ هاتیهكرن و كۆمبوونێن جودا یێن ل گهل سهركردایهتیا بهغدا دیسا ژی سهرهدانێن دهڤهرێن دی یێن عیراقێ و كۆمبوونێن جودا ل گهل سهركردایهتیا شیعهیێن عیراقێ و مهرجعێن بلند یێن وان و ل دووڤ دا سهدانا دهولهتێن كهنداڤی چهندین بیاڤێن داخستی هاتنه زێندیكرن ل بهرامبهر كێشهیێن ههرێما كوردستانێ و د بهرژهوهندیا دۆزا مه یا رهوا دا بوو و ڤهدیتنا ناڤخوهی و دهرڤه بۆ ههرێما كوردستانێ هاته گوهۆرین.
ههلبهت ئهڤ ههول و بزاڤانه د دهمهكێ دانه كو ئهو درووشمێ پارتی ههلبژاڕتی پرۆسهیا د ههلبژارتنان دا ل گهل وێ سۆزا دایه جهماوهڕێ خوه كو كوردستانهكا ب هێز ئاڤا بكهت ب زووترین دهم دا بجهـئینا و نێزیكبوونا ههرسێ لایهنێن سیاسی دێ پێگههی ههرێما كوردستانێ ژی ل بهغدا بهێزكهت، گرۆڤه ژی ههولدانا نێچیرڤان بارزانی بۆ گههاندنا رهزامهندیا ههرسێ لایهنان بۆ پێكئینانا كابینا نوو نیشانێن سهركهفتنا دبلۆماسیا راستهقینهیا پارتی دیاركر و هاته دی ژی كو بهرژهوهندیێن مللی و نهتهوی بهری یێن حزبێ و تاكهكهسینه
و چاڤهرێینه ژ ژ وان بهربژارێن پارتی گههشتینێ پتر سهنگا ههڕێما كوردستانێ بهر ب هێزترڤه ببهن. ئهو ژی د پێكئینانهكا حوكمهتهكا ئێكگرتی دا دهێته دیتن، لهورا ژی بدهسڤهئینا باوهریا جهماوهری پێدڤی ب سهربۆرێن چاك و بهردهوامن.
گهڕ ههرسێ لایهن بۆ بهرژهوهندیا مللهتی هێزا خوه ببنه ئێك ل ههمبهر بهغدا، دێ دهسكهفتێن زۆر بدهستڤهئینن و هێزهكا مهزن بهرهڤانیێ ژ مافێن مه كهن، چونكی حهتا نوكه بهرهڤانیكرن ژ وهرگرتنا پۆستێن كارگێری مهزنتربوون بۆ لایهنێن سیاسی ژ بهرهڤانیكرن ژ ماف و دۆزا خهلكی.
