تالهبانى بۆچى وهگۆت؟
سوهەیب میکائیل
نێچیرڤان بارزڤانى، ئهو كاریز و سیاسهتڤانێ كو د حكومهرانیا ههرێما كوردستانێ دا و ب رێڤهبهریا سهرۆكاتییا حكومهتێ پشكا شێرێ ب بهر كهفتیه، بۆچى ههژییه جاردن ئهو باوهرى پێ بهێته دان و بۆ چار سالێن بهێت سهرۆكێ جڤاتا وهزیرێن ههرێما كوردستانێ بیت؟ ل ڤێرێ مه دڤێت ئاماژێ ب کارێزما و دهستكهفتێن وى یێن كابینا بۆرى بدهین، نێچیرڤان بارزانی وهكو سهرۆكێ حكومهتێ د ئاستێ نافخۆیی و نیڤدەولەتی دا چ ژبۆ ههرێما كوردستانێ ب دهست خستیه
ئێك: د ئاستێ نافخۆییدا:
ب دیدهڤانیا گەلەک ژ سەرکردێن حزبێن دی یێن کوردستانێ رێزدار نێچیرڤان بارزانی کەسەکێ خودان شیانە و دشێت ژیرانە سەرەدەریێ دگەل ھەمی ئالیان دا بکەت .
بۆ نمونە: د کابینەیا پێنجێ دا پارتی و ئێکەتی ل سەر بڕێڤەبرنا حکومەتێ دووسال ب دووسال رێککەفتبوون، پشتی دوو سالێن ئێکێ ب سەرۆکایەتیا نێچیرڤان بارزانی تەمام بوی، جەلال تالهبانى سكرتێرێ گشتى یێ ئێكهتیێ دووبارە ل سهر نێچیرڤان بارزانی بۆ وهرگرتنا پۆستێ سهرۆكێ حكومهتێ ل گهل پارتى ههڤ را بوو، کو دوو سالێن دی ژی بەردەوام بیت. ئهڤه بخوه ژى نیشانا ھەبوونا باوەڕیەکا مەزنە .
(کاک نێچیرڤان ئاگات لە فەقیری وەکو من ھەبێت) ئەڤە گۆتنەکا جەنابێ مام جەلالیە کو گەلەک جاران بۆ خۆشیێ دگەل نێچیرڤان بارزانیدا بکار ئینایە .
ئەڤ متمانەیا دناڤبەرا ھەردوو سەرۆکان دا د پەیاما سەرەخۆشیا نێچیرڤان بارزانی ب ھەلکەفتا کۆچا داویا جهلال تالهبانى دا پتر دیار دبیت. کو پەیاما وی تنێ (پرسەنامە) نەبوو. بەلکو وانەیەک بوو بۆ مە ھەمیا، ھەتا نەوەیا داھاتی ژێ فێرببیت و رێزێ ل کەسێ مەزن بگرن و ئێک رێزیا کوردا بپارێزن .
دوو: د ئاستێ دەرڤە :
ل ئیلونا ۲۰۰٦ێ، نێچیرڤان بارزانی سەرۆکێ حکومەتا ھەرێما کوردستانێ بڕیاردا ب دامەزراندنا فەرمانگەھا پەیوەندێن دەرڤە، کو ئەرکێ وێ رێکخستنا پەیوەندیایە دگەل وەلاتێن دەرڤە. ھەلبەت ل دویڤ چارچۆڤێ یاسایێ ھەرێم و دەستورێ عیراقا فدرال. ل دویڤ ئەو ئامارێن کو مە ل سایتێ فەرمانگەھا پەیوەندیێن دەرڤە وەرگرتین، نھا ( ٤۰ ) کونسلگەری و نڤیسینگەھـ و نوینەرایەتێن بیانی ل ھەرێما کوردستانێ ھەنە. ھەروەسا حکومەتا ھەرێما کوردستانێ نھا خودانێ (۱٤) نوینەرایەتیایە، ل سەرانسەرێ جیھانێ.
ھەلبەت ئەڤ فەرمانگەھە گەلەک گرنگن چونکی وێنەیا ڕاست و دروستێ ھەرێما کوردستانێ ڤەدگوێزنە دەرڤە، و ھەتا ڕادەکێ باش شیاینە پەیوەندێن بھێز د بوارێ ئابوری، بازرگانی، وەبەرھێنان، کەلتوری و گەشت و گوزار ... دا دروست بکەن .
د وەلاتێن رۆژ ھەلاتا ناڤەڕاستدا ب گشتی و عراق ب تایبەتی . سیاسەتمەدارێ سەرکەفتی ئەوە یێ بشێت ھەڤسەنگیا سیاسەتێ دناڤبەرا (ئەمریکا و روسیا) و ململانێیا دناڤبەرا (شیعە و سوننە) ڕابگریت.
ئاشکرایە نێچیرڤان بارزانی شییایە پەیوەندیەکا ب هێز دناڤبەرا واشنتۆن و ھەولێرێدا دروست بکەت، و باشترین بەلگە بۆ ڤێ چەندێ، دانانا بەرێ بنیاتا مەزنترین کونسلخانەیا ئەمریکی ل ھەولێرێ نیشانا پێشکەفتنا ئەوێ پەیوەندیێ یە. کو ئەندازیارێ پێشخستناوی نێچیرڤان بارزانی یە
ژلایەکێ دیڤە ل سالا ۲۰۱۷ ێ رێزدار نێچیرڤان بارزانی سەرۆکایەتیا شاندهكێ کر بۆ روسیا و گرێبەستەک دگەل کۆمپانیا روسنەفت ل بوارێ دەرھینان و فرۆتنا نەفتێ بۆ ماوێ ( ۲۰ ) سالان ئیمزاکر .ئانکو نھا حکومەتا ھەرێمی خودان پەیوەندیەکا بھێزە دگەل ھەرد وەلاتێن ئەمریکا و روسیا .
ھەروەسا ل سەر ئاستێ ململانێیا مەزھەب، نێچیرڤان بارزانی شیایە بەلانسا ھێزێ ڕابگریت و پەیوەندیێن ب ھێز دگەل وەلاتێن سوننە مەزھەب و شیعە مەزھەب دروست بکەت. بێگومان ھەر ئەڤ پەیوەندییە بوو ئەگەرێ ھندێ کو ھندی حکومەتا عراقێ بزاڤکر ڕێ ل ھناردنا نەفتا ھەرێمێ بۆ دەرڤە بگریت، لێ نە تورکیا و نە وەلاتێن دی یێن ئەورپی نەھاتنە بەرەیا ڕێگرتنێ ل فرۆتنا نەفتا کوردستانێ، و ل دوماھیێ حکومەتا ھەرێمێ شیا ئەوان بەربەستان بشکێنیت و بەردەوامیێ ب فرۆتنا نەفتێ بدەت .
ھەروەسا پشتی خیانەتا شازدەی ئۆکتۆبەرێ کوردستان کەفتە دۆخەکێ نەخوازراو ، لێ سیاسەتا حەکیمانەیا نێچیرڤان بارزانی بو ئەگەرێ شکاندنا ئابلوقەیا سیاسی لسەر ھەرێمێ و سەرەدانا فەرەنسا و ئەلمانیا کر و شیا لۆبیەکێ نێڤدەولەتی دروست بکەت بۆ ڕاکرنا دۆرپێچا لسەر کوردستانێ و پاشی سەرەدانا بەغدا کر و نەھێلا پیلانێن ھندەک کەسێن خاکفرۆش سەربگریت و ب ئارمانجا خۆ بگەھن.
ئانکو دێ شێین بێژین ئەو گەفا لسەر قەوارێ ھەرێما کوردستانێ ھەبوو ژلایێ سیاسیڤە ، مینا مامەلەکرن وەک پارێزگەھێن عراقێ دگەل ھەرێمێ. ب بزاڤێن نێچیرڤان بارزانی سەرۆکێ حکومەتێ سەرنەگرتن .و نھا کوردستان ھەر بھێز مایە و بھێزتر دبیت .
