بەڕێزان.. فراکسیۆنە کوردستانیەکان لە پەرلەمانی بەغدا
دەزانم پشتتان لە ئازارەکانی نوگرەسەلمان و هاواری بیابانەکانی عەرعەر کردووە، دەزانم حەزتان لە سڵاوی عێرقچیانەشە، بۆیە لە دەرەوەی ئیرادەی نەتەوەیی و بە بێ رەزامەندی ئەنفال و کیمیابارن و خوێنی شەهیدان، سڵاوێکی لێوانلێو لە نەفرەت تێکەڵ بە حەپەحەپی سەگە رەشەکەی نوگرەسەلمان دەکەم و بۆ ئێوەی عێراقچی دەنێرم.
دوای گەیشتنی سەگە رەشەکە و گەیاندنی سڵاوەکە، دڵنیا بن کاتێ کەوتە کلکەسوتێ بزانن هەڵگری ئەو پێشنیارەی خوارەوەیە:
لەبیرتانە ماوەیەک بەر لە ئێستا بە فتوای مەرجەعی شیعە و بۆ سەپاندنی باڵادەستی و هەیمەنەی شیعە حەشدی شەعبی هاتە ناو کایە سیاسی و سەربازیەکان، ئێوەی بەناو نوێنەری کوردیش رووتان لە مێژوو وەرگێڕا و پشت لە داهاتوو بە یاساییتان کرد، ئێستا هەمان حەشد لە دەوروبەری کەرکوک و بە ئامانجی داگیر کردنەوەى کەرکوک هەموو کوردستان، ئەو حەشدەی ئێوە بە یاساییتان کرد، خولی سەربازی بۆ پێگەیاندن و راهێنانی منداڵانی شیعە لەسەر کوردکوژی کردۆتەوە، تکایە زەحمەت بکێشن و چۆن بە دەست بڵند کردنێکی ناو پەرلەمانی عێراق حەشدی شەعبیتان بۆ بە یاسایی کردن، ئەمجارە بە قاچ بڵند کردنێکی ناو پەرلەمان ئەو منداڵە ئێسک سووکانەشیان بۆ بە یاسایی بکەن.