سەرلەبەیانیی ئەمڕۆ شەممە بەهۆی بۆردمانی فڕۆكەی هێزی ئاسمانیی عێراقەوە دوو چەكداری داعش لە سنووری قەزای حەویجە كوژران.

عەمید فەتاح مەحموود، بەڕێوەبەری پۆلیسی قەزای حەویجە، راگەیاند: "سەرلەبەیانیی ئەمڕۆ شەممە ٢ی١ی٢٠٢١ لە سنووری ناحیەی رەشادی سەر بە قەزای حەویجە، فڕۆكەی هێزی ئاسمانی عێراقی بۆردومانی پاشماوەی چەكدارانی داعشیان كردووە."

گوتیشی: "بەهۆی ئەو بۆردمانەوە دوو چەكداری داعش كوژران ".

بەرێوەبەری پۆلیسی حەویجە، راشی گەیاند: "پاشماوەكانی داعش لە رۆژئاوای كەركووك و لە سنووری ناحیەی رەشاد بە نهێنی خۆیان حەشار دەدەن، بەتایبەت لەناو دۆڵ و گژوگیای دەشتەكانی سنوری رەشاد."






باسنيوز