كۆمپانیای بەبازاڕكردنی نەوتی عێراقی ناسراو بە سۆمۆ رایگەیاند، ئەمساڵ داهاتی بەدەستهاتووی هەناردەی نەوت 42 ملیار دۆلار بووە.

عەلا یاسری، بەڕێوەبەری گشتیی كۆمپانیای سۆمۆ بە میدیای فەرمیی عێراقی راگەیاند "داهاتی بەدەستهاتووی ئەم مانگە زیاتر لە چوار ملیار دۆلار بووە و نرخی یەك بەرمیل نەوتیش گەیشتووەتە 49 دۆلار".

بە گوتەی یاسری، لەدوای رێككەوتنی ئۆپێك پڵەس تایبەت بە كەمكردنەوەی بەرهەمهێنانی نەوت، عێراق رۆژانە نزیكەی سێ ملیۆن بەرمیل نەوتی هەناردەكردووە و دەڵێت،"سەرەڕای دەركەوتنی كۆرۆنای نوێ، پێشبینی دەكرێت نرخی نەوت بەرزبوونەوە بەخۆیەوە ببینێت".
rudaw -