ئێوارەی ئەمڕۆ یەکشەممە دەنگی چەند تەقینەوەیەک لە سەربازگەی سەقەری حەشدی شەعبی لە ناوچەی دۆرەی بەغدا بیستراوە و گوتەبێژی وەزارەتی ناوخۆی عێراق راگەیاند، نازانن چەند تەقینەوە بووە و لێکۆڵینەوە دەکەن.

شانەی راگەیاندنی ئەمنیی عێراق لە راگەیێندراوێکدا دەڵێت، کاژێر 06:40 خولەک دوو تەقینەوەی یەکلەدوای یەک لە ناوچەی سیدیە لە نزیک رێگەی خێرای بەغدا - حلـلە و بە دیاریکراوی لە سەربازگەی سەقەر بووە.

شانەکە ئاماژە بەوە دەکات، ئەو زانیارییانە سەرەتایین و زانیاریی زیاتر بڵاودەکەنەوە.

بەپێی هەندێک زانیاریی، پێش دەنگی تەقینەوەکان، فڕۆکەی ئەمریکی لە ئاسمانی ناوچەکە بیندراوە.

ئەو سەربازگەیە جگە لە بارەگای حەشدی شەعبی، بارەگای پۆلیسی فیدراڵیی عێراقیشی لێیە. کۆگای چەک و تەقەمەنییەکانی حەشدی شەعبی لەو سەربازگەیە کراونەتە ئامانج.












رووداو