هاوپەیمانیی هێزە عێراقییەکان، کە محەمد حەلبوسیی سەرۆکی پەرلەمان سەرۆکایەتی دەکات، سەرەخۆشی لە کەسوکاری فەرماندە بەعسییە مردووەکە دەکات.

رۆژی یەکشەممە 19-7-2020، فەریقی یەکەم روکن سوڵتان هاشم، سەرکردەی حزبی بەعسی عێراق، لە گرتووخانەی ناسریە لە پارێزگای زیقار و لە تەمەنی 75 ساڵیدا، کۆچی دوایی کرد.

هاوپەیمانیی هێزە عێراقییەکان، کە هاوپەیمانییەکی سوننەمەزهەبە، لە بەیاننامەیەکدا، سەرەخۆشی لە کەسوکاری فەریقی یەکەم روکن سوڵتان هاشم و تەواوی گەلی عێراق دەکات.

هەر لە بەیاننامەکەدا، هاوپەیمانیی هێزە عێراقییەکان پەسنی رۆڵی سەربازیی فەریقی یەکەم روکن سوڵتان هاشم دەکات و بە ”ناونیشانی سەربازیی نیشتمانیی و دڵسۆزی“، ناوی دەبات.

سوڵتان هاشم، کە لە ساڵی 1995 تا 2003 وەزیری بەرگریی رژێمی بەعس بوو، یەکێک بوو لە سەرکردە باڵاکانی حزبی بەعس و بەشداریی هەموو تاوانەکانی رژێمەکەی لە دژی گەلی کوردستان و گەلانی عێراقدا کردووە.













باسنيوز