هەناردەکردنی نەوتی عێراق بۆ ئوردن دەستیپێکردەوە کە بەهۆی رێکارەکانی تایبەت بە رێگری لە بڵاوبوونەوەی زیاتری کۆرۆنا لە عێراق راگیرابوو.

وەزارەتی وزە و سەرچاوە کانزاییەکانی ئوردن رایگەیاند، رۆژی چوارشەممە رێککەوتنی کۆتاییان لەگەڵ بەغدا واژۆکردووە بۆ دەستپێکردنەوەی هەناردەکردنی نەوت.

بەپێی راگەیێندراوی وەزارەتی وزە و سەرچاوە کانزاییەکانی ئوردن، تەنکەرەکانی گواستنەوەی نەوت سەرەیان گرتووە بۆ گواستنەوەی نەوت بۆ ئوردن.

ئوردن رۆژانە 10 هەزار بەرمیل نەوت لە عێراقەوە هاوردە دەکات، رۆژانەش پێویستی بە 150 هەزار بەرمیل نەوتە.









رووداو