مستەفا كازمی، سەرۆك وەزیرانی عێراق جەختی كردەوە، پشتبەستن بە تەنها نەوت تاقیكردنەوەیەكی شكست خواردووە و جەختی كردەوە، پلانێكیان بۆ باشكردنی سیستەمی ئیداری و دارایی هەیە.

بەگوێرەی ئاژانسی هەواڵی عێراقی "واع"، كازمی گوتی: "پشت بەستن بە تەنها نەوت تاقیكردنەوەیەكی شكست خواردووە و كەمی نەختینەش هۆكارەكەی خراپی بەڕێوەبردن و پشت بەستنە تەنها بە سیاسەتی نەوت".

كازمی ئاماژەی ئاشكراشی كرد، "پلانێكمان هەیە بۆ ئەنجامدانی چاكسازی لە سیستەمی دارایی و كارگێڕی بۆ ئەوەی لە كۆیلایەتی دەستی نەوت رزگارمان بێت".

سەرۆك وەزیرانی عێراق جەختیشی كردەوە، "وەبەرهێنەری راستەقینە لەلایەن حكومەتەوە پشتیوانی و پارێزگاریی لێ دەكرت" و گوتیشی: "لەمەودوا گرنگیی زۆر بە جووتیاران دەدەین و هەوڵ دەدەین شایستە داراییەكانی جووتیاران بە تەواوەتی بدەین".

دووپاتیشی كردەوە، "حكومەت پلانێكی تۆكمەی بۆ پشتیوانیكردنی جووتیاران ئامادە كردووە".








K24