لە بەیاننامەیەکەدا، شانەی راگەیاندنی ئەمنیی عێراقی رایگەیاندووە، داعش هێرشی کردە سەر بنکەیەکی فەوجی مەغاویر لە گوندی عەین لەیلا لە نزیک دەلی عەباس لە پارێزگای دیالە.

هەروەک شانەکە رایگەیاندووە، چەکدارانی داعش دواتر بە گوللە هاوەن گوندی گەلعییە حاویی گەورەیان کردووەتە ئامانج.

لەبارەی هێرشەکەی سەر شارۆچکەی دۆر لە پارێزگای سەڵاحەدین، شانەی راگەیاندنی ئەمنی راگەیاندووە، چەکدارانی داعش هێرشیان کردووەتە سەر لیوای 21ـی میلیشیاکانی حەشدی شەعبی.

شانەی راگەیاندنی ئەمنی ئاماژەی بەوە کردووە، کە لەو هێرشانەدا، تەنیا سێ چەکداری حەشدی شەعبی بریندار بوون.

درەنگانی شەوی یەکشەممە 3-5-2020، چەکدارانی داعش هێرشێکی فراوانیان کردە سەر چەندین ناوچەی پارێزگای دیالە و دەوروبەری.












باسنيوز