له‌ لێدوانێكی تایبه‌تدا بۆ گولاَن ئه‌ندامی ئیئتیلافی ده‌وڵه‌تی یاسا مه‌حه‌مه‌د سه‌عدون سه‌هیود دووپاتیكرده‌وه‌ ئیئتیلافه‌كه‌ی به‌شی هه‌ره‌ زۆری كارنامه‌ی كوتله‌ی فراكسیۆنه‌ كوردستانییه‌كانی پێ قبوڵه‌و ئه‌وه‌ی ماوه‌ته‌وه‌ش دواتر له‌گه‌ڵ شاندی دانووستكاری فراكسیۆنه‌ كوردستانییه‌كان گفتوگۆی زیاتریان له‌باره‌وه‌ ده‌كه‌ن.

له‌ به‌شێكی دیكه‌ی لێدوانه‌ تایبه‌ته‌كه‌یدا بۆ گولاَن سه‌هیود جه‌ختی له‌ سه‌ر ئه‌وه‌ كرده‌وه‌ ده‌وڵه‌تی یاسا هه‌موو كارنامه‌و ده‌ستپێشخه‌رییه‌كی به‌تایبه‌ت كارنامه‌ی كوردی و ده‌ستپێشخه‌رییه‌كه‌ی سه‌رۆكی هه‌رێم مسعود بارزانی قه‌بوڵه‌ كه‌ ده‌بنه‌ مایه‌ی په‌له‌ كردن له‌ پێكهێنانی حكومه‌تی نوێی عێراقدا.