لە پیشانگای ساڵانەی cesدا سامسۆنگ ئامێرێكی خستەڕوو دەكرێ بڵێن وەك دكتۆرێكی شیكاری پێست سەیر بكرێ. نەك تەنیا كێشەكانی تایبەت بە پێست دەدۆزێتەوە بەڵكو چارەسەریشیان دەكات، چارەسەر لە رێگای تیشكی تایبەت و دەرزی ئاژنی زۆر وردەوە. ئامێرە دكتۆرەكەی پێست بە (Samsung S-skin) ناسراوە.
ئامێرەكە لەلایەن بەشی c Labی كۆمپانیای سامسۆنگ بەرهەم هاتووە، ئەو بەشە هەوڵێكی كارمەندانی كۆمپانیای ناوبراوە بۆ خۆ تاقیكردنەوە لەزۆر بواری دیكەی تەكنەلۆژیادا..
كاركردنی ئامێرەكە بەم شێوەیە، لە سەرەتادا پێستی بەكارهێنەر لەلایەن كامێرا و هەستەوەری تیشكی هەستەوەری گەیاندن شیدەكرێنەوە، لەسەرەتادا تیشك دەخاتە سەر روخساری بەكارهێنەر و پاشان ئاكامی لێكۆڵینەوەكانی لەلایەن هەستەوەرەكان هەڵدەسەنگێنێرێ. دوو هەستەوەری دیكەش رێژەی شێ لێكدەدەنەوە. دوای ئەوە بە دەرزی زۆر وردی تایبەت چارەسەر دەكرێ.