لەو چەند ژمارەیەی رابردوودا چەندین جار لەسەر رۆبۆت و رۆڵی رۆبۆت لە داهاتوودا هەواڵ و زانیاریمان سەبارەت بە رۆبۆتە نوێیەكان بڵاوكردۆتەوە. بێگومان وەك كۆمپیوتەر لە سەرەتای هەزارەی سێیەمدا گرنگییەكی زۆری پێدرا و بوو بە پێداویستیەكی ژیان، رۆژێك دادێت هەر ماڵە و رەنگە هەر تاكە رۆبۆتی خۆی هەبێت. قەبارە و كاركرد و شێوازی رۆبۆتەكان جیاوازن بۆ نموونە ئەم رۆبۆتە بچووكە كە بە antbo ناسراوە.
ئەم رۆبۆتە سەرنج راكێشە لەشێوەی مێروولە دەچێت، گشت پارچەكانی بەكارهێنەر بۆخۆی لە پاڵیەك دەخاتەوە. تەنانەت دەتوانرێ پرۆگرامی تایبەتی بۆ دابندرێ. كێشی رۆبۆتەكە 209 گرامە. لەباڵیەكخستنەوەی رەنگە كاتژمێرێك بخایەنێ و بەكارهێنەر بەهۆیەوە هەندێك زانیاری لەبارەی سیستەمی رۆباتیكیش فێر دەبێت. بە سوود وەرگرتن لەپرۆگرامەكانی Whendo، Scratch و Arduino IDE دەتوانرێ كۆدیشی بۆ دابندرێ پاشان بەهۆی دەنگی بەكارهێنەر یان لە رێگای مۆبایلەوە دەتواندرێ كۆنترۆڵ بكرێت.