داتای هەموو جیهان لە دیسكێكدا كۆبكەوە
داهێنانی گەورە لە بواری هەڵگرتن و ئەرشیف كردنی داتاكان لە جیهاندا بەرهەم هات.. فلاش میمۆری و هارددیسك و DVD و ...تاد. بۆ هەڵگرتنی و گواستنەوەی داتاكان گرنگن.. بەڵام هەموویان رێژەیەكی بەرچاو داتا لە خۆیاندا رادەگرن، كەچی توێژەرانی بواری تەكنەلۆژیای نوێ جۆرە دیسكێكی بچووكی كریستالیان بەرهەم هێناوە دەتوانێت 360 ترابایت زانیاری لە خۆیدا كۆبكاتەوە و هەتا زیاتر لە13 ملیارد ساڵیش تێكناچێت چونكە لە گەرمای 190 پلەشدا هیچی لێنایەت.. شێوازی داكردنی داتاكان واتە خەزنكردن لەو دیسكەدا پێنج رەهەندییە كە ساڵی 2013 بۆ یەكەمجار ئاماژە بەو شێوازە كراوە.