هەم كەڤەرە و هەم كیبۆردە بۆ مۆبایلی گەلەكسی
هەموو مۆبایلێك كیبۆردێكی مەجازی تێدایە كە دەكرێت بەهۆیەوە گشت ئەركەكانی تایبەت بە نووسین ئەنجام بدەی، بەڵام زۆر كەس حەز دەكات لە كیبۆردێكی فیزیكی وەك كیبۆردی كۆمپیوتەر بۆ مۆبایلیش سوود وەربگرێ، دیارە كۆمپانیای مایكرۆسۆفت و چەند كۆمپانیایەكی دیكە كیبۆردی تایبەت بە مۆبایلیان بەرهەمهێناوە، بەڵام كیبۆردەكان لە مۆبایلێك گەورەترن، كۆمپانیایەكی نەرویژی كیبۆردێكی بەناوی SlimType بەرهەم هێناوە، كە هەم كیبۆردە و هەم كەڤەرە بۆ مۆبایلی جۆری گەلەكەسی S6. كەڤەرە كیبۆردەكە لەرێگای NFCەوە لەگەڵ مۆبایل پەیوەند دەدرێت. كیبۆردەكە جگە لە دوگمەكانی تایبەت بە نووسین، دوگمەی شۆركەتی تایبەت بە كردنەوەی ئیمێل، رۆژمێر، ناو و ژمارەی مۆبایلەكان و كردنەوەی سایتەكانی تێدایە.
