تۆماركردنی ساتەگرنگەكان لەكاتی شۆفێریدا
ئەوكاتەی كە خەریكی ئۆتۆمبێل لێدەخوڕی، لەناكاو دەبینی ئۆتۆمبیلی پێش تۆ خۆ بە شتێك دادەدا، یان رووداوێكی سەرنج راكێش دەبینی كە تەنیا ساتێكە و دەڕوات، یان لە شوێنێك گەشت دەكەی گیاندارێك بە پەناتدا رادەبڕێ.. یان دیمەنێكی خۆش یان رووداوێكی ناخۆش دەبینی، ناتوانی ئۆتۆمبیلەكەت رابگری و دەست بكەی بە وێنەگرتن چونكە دیمەنەكە تەنیا ساتێكە و دەڕوات..بەڵام بە سوود وەرگرتن لە تەكنەلۆژیای ئەم كێشەیە چارەسەر دەبێت.. ئامێری Wayens كە لەراستیدا كامێرایەكی بەهێزی فیلم هەڵگرتنەوەیە و لە پشتەوەشی شاشەیە، بەهۆیەوە دەتوانی لەكاتی رۆیشتندا فیلم هەڵبگریەوە. جگە لەوەش شاشەكە ئەركێكی دیكەش ئەنجام دەدات و لەگەڵ سیستەمی ئۆتۆمبیل پەیوەند دەدرێت و زانیارییەكانی وەك خێرایی، سووڕانی مەكینە و رێژەی بەنزین نیشان دەدات.
