پرۆگرامێك بۆ گــــــۆڕینی روخسارەكان
　
　گەلێك پرۆگرام هەن بۆ دەستكاری كردنی وێنە و گۆڕینی روخساری كەسەكان، یەكێك لەو پرۆگرامانەی كە لەم دواییەدا بۆ مۆبایل بەرهەم هاتووە، پرۆگرامی جۆری face swapە، بە پرۆگرامی ناوبراو دەتوانی بە ئاسانی سەری كەسێك لە وێنەیەكدا بلكێنی بە كەسێكی دیكەوە، بۆ نموونە دەتوانی باوكێك و منداڵێك كە پێكەوە وێنەیان هەیە وای لێبكەی باوكەكە شوێنی منداڵەكە و منداڵەكە شوێنی باوكەكە بگرێتەوە. یان سەری ژن و پیاوێك بۆ یەكتری بگۆڕی، زۆر وێنەی كۆمێدی و گاڵتەجاڕی دروست بكەی، پرۆگرامەكە بە ئاسانی و ئۆتۆماتیكی سەری كەسەكان دەناسێ و تەنیا بەیەك ئاماژە سەری كەسەكە لێدەكەیەوە و بە یەكێكی دیكەی دەلكێنی.