پاسەوانی دیجیتاڵی بۆ ماڵەوە
لە ماڵەوە دوور كەوتوویتەوە، منداڵەكان لە ماڵەوەن، منداڵەكانت بە كێ سپاردوون، بە تەنیان، یان بەنگلادیشییەكت بۆ هێناون، یان بە خزم و كەسوكارێكت سپاردوون. ئەوانە هیچ مەكە، ماڵ و منداڵت بە Icontrol-Networks-Piper پاسەوانی دیجیتالی بسپێرە. بەهۆی ئەو ئامێرەوە ئەگەر لەو سەری جیهانیش بی ئاگاداری ماڵەوەت دەبی. ئەو ئامێرە پێكهاتووە لە كامێرایەكی هۆشمەند كە هەڵسوكەت و جموجۆڵی ماڵەوە سات بە سات بە راپۆرت بۆت دەنێرێ. تەنانەت دەتوانی قسە لەگەڵ منداڵەكانیشت بكەی. جگە لەوەش ئەگەر مەترسییەكی بۆ ماڵەوە بێت ئاگادارت دەكاتەوە، وەك كەوتنەوەی ئاگر و شكانی بۆری ئاو. رێژەی دەنگ و رادەی شێ و رووناكی و گەرمای ماڵەوەشت بۆ راپۆرت دەكات.