كۆمپانیای سامسۆنگ نوێترین هاندی مۆبایلی خۆی لە ڕیزی هاندەكانی گەلاكسی بەرهەمهێنا بەناوی Xcover كە تایبەتمەندی گرنگی لەخۆگرتووە. گرنگترین تایبەتمەندییەكانی ئەوەیە كە دژی تەڕبوونە و به لەئاست بەركەوتن و كەوتنە خوارەوە خۆڕاگرە، جگەلەوەش هیچ چەشنە تۆز و خۆڵێك لەخۆیدا ڕاناگرێ، تەنانەت ئەگەر لە بانێكی بەرزیش بەربێتەوە هیچ تێك ناچێت. تۆز و خۆڵ و تەڕبوون و كەوتنە خوارەوە سێ هۆكاری سەرەكین بۆ تێكچوونی ئامێرە ئەلكترۆنییەكان، ئەم مۆبایلە لە ئاست هەر سێ هۆكارەكەدا خۆڕاگرە، بۆیە بە مۆبایلێك بۆ هەمیشە ناسراوە.
تایبەتمەندییەكانی دیكەی مۆبایلەكە وەك هەر مۆبایێكی دیكەن و سیستەمی وایەرلەیسی Wi-Fi و هەروەها سیستەمی GPS و پشتیوانیكردن لە سیستەمی HSDPA بە خێرایی 2.7 میگابایت لە چركەیەكدا هەیە، شاشەی لەمسیەكەی دژی شوختە و دەتوانیت لەگەڵ خۆت بیبەیە ناو ئاو و لەكاتی مەلەكردندا سوودی لێوەربگری.