گەمەی ئەلكترۆنی لەم دەیەی دواییدا پانتاییەكی لە ژیانی ڕۆژانەی تاكەكانی كۆمەڵگادا گرتووە، گەمەی ئەلكترۆنی بۆ حەسانەوەی مێشك و ئاسوودەیی دەروونی زۆر باشە، لەلایەنی تەندروستی و زانستیشەوە ئەوە سەلمێندراوە، هەرچەندە لەلای ئێمە گەمەی ئەلكترۆنی زیاتر بۆ تەمەنێكی دیاریكراو دەبینن و لە تەمەنی سەرووی 20 ساڵی بە شەرم سەیر دەكرێت. لە ڕاستیدا ئەم جۆرە گەمەیە كە پێوەندی بە هزری مرۆڤەوە هەیە هیچ تەمەنێك ناناسێ، هیچ تەمەنێكی دیاریكراوی بۆ نییە.
دەسكی گەمە ئەو دەسكەیە كە چەندین دوگمەی لەسەرە و فەرمانی گەمەی پێ ئەنجام دەدرێت، لەم دواییانەدا لەلایەن كۆمپانیای HJC كە یەكێكە لە كۆمپانیا بەریتانییەكان بۆ بەرهەمهێنانی كەرەسەی گەمە و ئەتاری دەسكێكی گەمەی بەرهەمهێناوە كە هەم بۆ Xbox و هەم بۆ PC دەشێت، تواناكانی ئەم دەسكی گەمەیە ئەوانەن:
-1 دوو كەلێن لەسەرووی دەسكەكە هەن بۆ فێنككردنەوەی دەست و كەمتر ئارەقەكردن.
-2 گشت دوگمەكانی فەرمانیان بۆ دادەنرێت.
-3 جیاكردنەوەی وایەری پێوەندی بۆ ئەوەی كە بەكارهێنەر بەهۆی وایەرلەیسەوە ئەركەكان ئەنجام بدات.
-4 سوود وەرگرتن لە تیشكی ڕووناكی سەرنجڕاكێش لە دەسك و دوگمەكاندا.
-5 بوونی مەیكرۆفۆن و هیدفۆن لە دەسكی گەمەكەدا و چەندین تایبەتمەندی دیكە.