هارددیسكێك واتە مەخزەن یا كۆگای داگرتنی داتاكان لەجیهانی دیجیتالدا ڕۆڵێكی گرنگی هەیە، لەماوەی ئەو چەند ساڵەدا هاردیسكی پۆرتێبڵ كە بەهاردیسكی خارجی ناسراوە، بۆ هەڵگرتن و ئەرشیفكردنی داتا دیجیتالییەكان بەتەواوی شوێنی DVDی گرتۆتەوە، چونكە هەم تێكچوونی هارد كەمە و هەم قەوارەی داكردنی داتاكان لەهارددا بە بەراورد بەDVD گەلێك زۆرە.
كۆمپانیای Seagate لەم ماوەیەدا هاردیسكێكی نوێی بەناوی goFlex Home بەرهەم هێناوە كە دەتوانێت توانای پێویست بۆ خەزنكردنی داتاكانی سیستەمەكانی كۆمپیوتەر پێكەوە لەتۆڕێكدا پێك بێنێ. ئەم هاردە بۆ ئیدارە و نووسینگەكان كە دەیانەوێت لەیەك هارد بۆ گشت كۆمپیوتەرەكان سوود وەربگرن گەلێك سوودمەندە.
هارددیسكی ناوبراو لەڕێگای Ethernet بەڕۆتێری تۆڕی مەجازی پێوەند دەدرێت و ئەو هەلە بۆ گشت كۆمپیوتەرەكانی سیستەمی ماكینتۆش و ویندۆز دەڕەخسێنێ تا لەگەڵ ئەوەی كە تۆڕێكی مەجازی لەنێوان كۆمپیوتەرەكان دروست دەكات، دەتوانن داتاكانی خەزنكراوی سەر هارددیسكەكە ببینن.