لەم سەردەمەدا كەم ماڵ هەیە چەندین ئامێری تێدا نەبێت كە پێویستیان بەشەحنكردنەوە واتە بارگاوی كردنەوەی باتری ئامێرەكە لەڕێگای كارەباوە نەبێت، وەك مۆبایل، میدیا پلەیەر، تەبلێت، كامێرا، لاپتۆپ...تاد. هەر كام لەئامێرەكانیش شەحنكەرەوەی تایبەت بەخۆیان هەیە هی هیچ كام لەئامێرەكان بۆ یەكتر ناگونجێن. لەم ڕۆژانەدا ئامێرێك هاتۆتە بەرهەم كە ئەو گرفتەی چارەسەر كردووە و بەجۆرێك كە هەموو ئامێرەكان دەكرێت بەهۆیەوە بارگاوی بكرێنەوە.
ئامێرەكە بەناوی power brick ناسراوە، لەبەشی پێشەوەی ئامێرەكەدا چەند شوێنێكی USB هەیە لە2 ڤۆڵتەوە تا 10 ڤۆڵت كە بۆ گشت ئامێرەكانی وەك مۆبایل و كامێرا و تەبلێت.. لەبەشێكی شەحنكەرەوەكەدا دوو شوێنی 1500 ڤۆڵتی هەیە بۆ ئامێرە گەورەكانی تر. هەروەك ئاماژە پێدرا ناوی ئەو شەحنكەرەوە “پاوەر برێكە” بەمانای هێزی كەرپوچ یا خشت دێت، بەو هۆیەش ئەم ناوەی لێنراوە كە سایزی ئامێرەكە بەقەد خشتێك دەبێت. وایەری گشت ئەو ڕابیتانە بەرز و درێژ دەبێتەوە بۆ ئەوەی كە بۆ هەموو ئامێرەكان پێكەوە بگونجێت