لەم ساڵانەدا پاراستن و هەڵگرتنی داتا شەخسییەكان وەك وێنە و دوكیومێنت، كورتە فیلم، كتێب و وتار و...تاد. كە بەرەو دیجیتالی ڕۆیشتوون گرنگییەكی زۆری پێدەدرێت، هەڵگرتنی داتا شەخسییەكان لەفلاش میمۆری یان DVD يان هاردی خاریجیدا هەتا ڕاددەیەك بایەخی خۆی هەیە، بەڵام ئەگەر ڕۆژێك ئەو ئامێرانەی هەڵگرتنی داتاكان تێكچوون، یان دزران و بزربوون ئیدی بۆ خاوەنی داتاكە كارەسات ڕوو دەدات..
كۆمپانیا گوگڵ بۆ چارەسەری ئەم كێشەیە لەمێژە لەهەوڵدایە هاردێكی ئەنتەرنێتی واتە شوێنێك بۆ هەڵگرتنی داتاكانت لەئینتەرنێتدا كە وەك هاردی كۆمپیوتەرەكەت دەچێت، بەرهەم بێنێ، لەم ڕۆژانەدا هەوڵەكە سەركەوت و Google drive بەرهەم هات، بەهۆی گوگڵ درایڤەوە دەتوانی دەق و دوكیۆمنێتەكانت، وێنە و فیلمەكانت لەنەمان بپارێزی.. گوگڵ تەنیا 5 گیگا بەخۆڕایی شوێنت دەداتێ كە شتە گرنگەكانتی تێدا هەڵبگری و زیاتر لەوە دەبێ بیكڕی... دڵنیا بن هەر ڕووداوێك بەسەر كۆمپیوتەر یا مۆبایلەكەت یا تەبلێتەكەت هات ئیدی بابەتە گرنگەكانت هەر وەك خۆیان دەمێننەوە. هەرچەندە ئێستا ئەو شوێنەی كە بەخۆڕاییە ئەكتیڤ نەبووە و گوگڵ بەڵێنی داوە بەم زووانە ئەكتیڤی بكات، بەهۆیەوە دەتوانی 30 جۆرە فۆرمات وەك ڤیدیۆ، فۆتۆشۆپ، دیزاین، بەبێ ئەوەی كە لەسەر كۆمپیوتەرەكەت ئەو پرۆگرامانە هەبن بیانكەیەوە.