بڕانی وزە لەئامێرە ئەلكترۆنییە دیجیتالییەكان، گرفتێكی سەرەكییە، چونكە هیچ ئامێرێك بەبێ وزە كار ناكات، ئەم گرفتە لەمۆبایلدا بەرچاوترە.. چونكە مۆبایل هەمیشە لەگەڵتدایە. چەندین شێواز بۆ شەحنكردنەوەی مۆبایل بەرهەمهاتوون وەك: شەحنكردنەوە بەتیشكی خۆر، بەوزەی با، بەئاو.. بەئاگر... تاد. بەرهەمهاتنی شەحنكەرەوەی جۆری Continuance باترییەكی شەحنكەرەویه كە سیستەمی USB هەیە و بەسوود وەرگرتن لەو شەحنكەرەوە ئیدی لەشوێنی دوورە كارەبا وەك دارستان و چیا هیچ نیگەرانیەكت نامێنێ. شەحنكەرەوەكە ئەوەندە بچووكە كە لەگیرفاندا جێگای ببێتەوە. شەحنكەرەوەكە بۆ مۆبایلێك هەتا مانگێك شەحنی پێویستی هەیە و جگەلەوەش خودی شەحنكەرەوەكەش بەوزەی كارەبا شەحن دەبێتەوە.
