گەلێك جاران نیازت هەیە لەگەڵ یەكێك بەمۆبایل قسە بكەی، بەڵام زمانی بەرامبەرەكەت نازانی، بۆ نموونە بەرامبەرەكەت ئینگلیزی زمانە، یان فەرەنسی زمانەـ تۆش شارەزاییت لەو زمانانە نییە، ئەگەر وەرگێڕێكیش هەبێت ئەوە دەبێتە وتەی هەردوو لا وەربگێڕێ كە بەمۆبایل ئەوە كارێكی دژوارە..
سیستەمی وەرگێڕی Docomo سیستەمێكی نوێیە، بەهۆی ئەو سیستەمەوە دەتوانیت لەگەڵ هەركەسێك لەجیهاندا كە زمانی تۆ نازانێ قسە بكەی و خودی مۆبایلەكە قسەكانت وەربگێڕێ، بەڵام ئەو سیستەمە لەكاتی ئێستادا تەنیا بۆ سێ زمانی چینی، كۆریایی و ژاپۆنی ئامادە كراوەو ئەگەر پێشكەوتن بەدەست بهێنێت، بەدڵیناییەوە لەماوەی چەند ساڵی دیكەدا بەكوردیش دەكەوێتە بازاڕ. لەو سیستەمەدا ماوەی قسەكردنەكە تا وەرگێڕانەكە تەنیا 2 چركە بووە كە بۆ قسەكردنێكی ئاسایی ئەوە كاتێكی زۆر نییە.