یەكێك لەو ئامێرانەی كە ساڵیانی ساڵە دیزاین و فۆرم و چوارچێوەی خۆی لەدەست نەداوە، كامێرای وێنەگرتنە، كە هەمیشە شێوەیەكی لاكێشەیی یان چوارگۆشەیی هەبووە و هەیە. دیزاینەرێكی بواری تەكنۆلۆژیای نوێ ویستوویەتی گۆڕانكارییەك لەدیزاینی كامێرای دیجیتالیدا بكات و كامێرایەك بەدیزاینی لولەكی بەرهەم بێنێت. كامێرا لولەكییەكە بەناوی D CAN ناسراوە.
لەسەر ئەو كامێرایە شوێن بۆ دانانی جۆرەكانی هیدفۆن، مایكرۆفۆن و باتری و میمۆری هەیە. شاشەكە لەسەرەوەی كامێراكەیە. هەرچەندە ئەوە بیرۆكەی داهێنەرەكەیەتی و هێشتاكە بەرهەم نەهاتووە، بەڵام ئەگەر دیزاینەكەی پەسەند بكرێت ڕەنگە لەماوەیەكی نزیكدا كامێرایەكی لەم شێوەیە بكەوێتە بازاڕەوە.