پرێنتەری سێ ڕەهەندی مێژوویەكی كورتی هەیە، تەنیا سێ ساڵە بەكردەوە ئەو پرێنتەرە بەرهەم هاتووە، ئەگەرچی لەمێژ بوو هەوڵی بۆ دەدرا.. پرێنتەری سێ ڕەهەندی ئەركەكەی ئەوەیە كە قالب و چوارچێوەی دیزاینی ئامێر و بینا و پرد و بەسێ ڕەهەندی دەردەخات.. ڕوونكردنەوەی زیاتر لەم بوارەوە، ئەندازیارێكی بیناسازی كاتێك نەخشەی خانوویەك لەسەر كۆمپیوتەر دەكێشێت، دەتوانێت دیزاینێكی بچووك لەخودی خانووەكە وەكو خۆی بەپرینتەرێ سێ ڕەهەندی دەربخات..
لەم دواییانەدا پرێنتەری سێ ڕەهەندی بۆ بەكارهێنەرانی ماڵەوەش بەرهەم هات، یانی پێشتر پرێنتەرەكە تەنیا تایبەت بەكۆمپانیا گەورەكان بوو، ئێستا ماڵەكانیش دەتوانن ئەو پرێنتەرەیان هەبێت. پرێنتەری جۆری MakerBot Repilicator یەكێكە لەم پرێنتەرانە.. بەهۆی ئەم پرێنتەرەوە دەتوانیت بەشێك لەپێداویستییەكانی ماڵەوە دروست بكەی، بۆ نموونە لەیستووك و تۆپ و ئامێری گەمەی منداڵەكانت.