هه‌روه‌ك ده‌زانن له‌مڕۆدا فلاش میمۆری باشترین ئامێری گواستنه‌وه‌ و هه‌ڵگرتنی داتاكانه‌، چونكه‌ هه‌م كێشی سووكه‌ و هه‌م بۆ هه‌ڵگرتن و راگواستن گونجاوه‌، به‌ڵام به‌هۆی قه‌باره‌ی بچووكی فلاش میمۆری ره‌نگه‌ زۆر جاران ون ببێت، یان به‌ ئه‌نقه‌ست بۆ ده‌ستراگه‌یشتن به‌ زانیارییه‌كانی ناوه‌وه‌ی بدزرێت. ئه‌م فلاش میمۆرییه‌ی كه‌ وێنه‌كه‌ی لێره‌دا ده‌بینن باشترین فلاش میمۆرییه‌ له‌ باری ئه‌منییه‌وه‌، چونكه‌ به‌ ئاسانی ده‌توانی زانیارییه‌كانی ناوه‌وه‌ی به‌هۆی ئه‌و دوگمانه‌ی له‌سه‌ر فلاش میمۆرییه‌كه‌ هه‌یه‌ قفڵ بكه‌ی و پاسۆردی له‌سه‌ر دابنێی.
هه‌یكه‌له‌ی فلاش میمۆرییه‌كه‌ له‌ ماده‌ی ئه‌لۆمینیۆم پێكهاتووه و دژی ئاو و دژی زه‌ربه‌یه‌، ده‌توانی به‌هۆی دانانی پاسۆردێكی 7 هه‌تا 15 كاراكته‌ری به‌رگری بكه‌ی له‌ ده‌ستراگه‌یشتن به‌ زانیاری و داتاكانی ناوه‌وه‌ی، ده‌توانی زانیاری ناو فلاش میمۆرییه‌كه‌ به‌ چه‌ند به‌شێك دابه‌ش بكه‌ی و بۆ هه‌ر به‌شێكیش پاسۆردی نوێ دابنێی، بۆ نموونه‌ بۆ به‌شی وێنه‌كانت پاسۆرد دابنێی، هه‌روه‌ها بۆ فایله‌ ڤیدیۆییه‌كانت پاسۆردێكی دیكه‌ دابنێی، فلاش میمۆرییه‌كه‌ هه‌تا 16 گیگابایت داتا له‌ خۆیدا خه‌زن ده‌كات.