مانشێتەكەی سەرەوە ڕیكلامی كۆمپانیای EMDیە بۆ كارتی گرافیكی جۆری Radeon 7970 كە هەتا ئێستا یەكەمین GPUیە لەجیهاندا كە لەترانسیستەری 28 نانۆمەتری سوود وەردەگرێت. ئەم كارتی شاشەیە كە وێنەكەی دەبینن باشترین كارتی شاشەیە بۆ گەیمەرەكان و ئەركە قورسەكانی گرافیكی. كارتی شاشەكە سێ گیگابایتە لەجۆری GDDR5 لەگەڵ 32 ناوەندی لێكدەرەوە.
كۆمپانیای بەرهەمهێنی ئەو كارت شاشەیە ڕایدەگەیەنێ كە ئەو كارتە وزەیەكی زۆر كەمی دەوێت، هەروەها سیستەمی فێنك كەرەوەشی تێدایە و دەنگێكی كەمتری هەیە بەبەراورد بەكارتی شاشەكانی دیكە.
جێگەی سەرنجە كارتی شاشە ڕۆڵێكی زۆری گرنگ لەكۆمپیوتەردا دەبینێ، بەبێ كارتی شاشە كە بەزمانی زانستییەكەی بەVGA ناسراوە، هیچ كارێك ئەنجام نادرێ و ناكرێ سەیری هیچ وێنەیەك بكەی، كارتی شاشە ڕۆڵی گرافیك دەبینێ، هەربۆیە بەكارتی گرافیكیش ناسراوە.