لەجیهانی گەیاندن و ڕاگەیاندندا ڕادیۆ مێژوویەكی درێژخایەنی هەیە، یەكەمین ئامێری گەیەنەری بیستن ڕادیۆ بووە، لەگەڵ ئەوەیدا كە گۆڕانكاری بەسەر سیستەمی ڕاگەیاندندا هاتووە، بەڵام هێشتا ڕادیۆ گرنگی خۆی لەدەست نەداوە..
هەرچەندە ڕادیۆ وزەیەكی زۆری ناوێت بۆ كاركردن، بەڵام پسپۆرانی بواری تەكنۆلۆژیا هەوڵیانداوە كارێك بكەن كە ئەوەندە وزەیەشی پێویست نەبێت، بۆیە لەدوا هەوڵیان ڕادیۆیەكیان بەرهەمهێناوە كە وزەی خۆی لەئاو وەردەگرێت. لەڕاستیدا ڕادیۆكە وەك قوتویەك ئاوی تێدەكرێ و بەهۆی زەختی ئاوەكەوە ڕادیۆكە كار دەكات.