سایتی فەیسبووك جگە لەدەوڵەمەندكردنی سایتەكەی، لەم ماوەیەدا هەوڵیداوە كە مۆبایلێكی هۆشمەند بەرهەم بێنێ كە گشت خزمەتگوزارییەكانی فەیسبووكی تێدابێت. بۆ ئەم مەبەستە لەگەڵ كۆمپانیای HTC ڕێككەوتووە كە مۆبایلێكی هۆشمەند بەو تایبەتمەندییەی ئاماژەمان پێدا بەرهەم بێنێت.
مۆبایلە هۆشمەندەكە كە بەجۆری (Buffy) ناسراوە، لەسەر سیستەمی ئەندرۆید كار دەكات. هەرچەندە زۆربەی شارەزایانی بواری تەكنۆلۆژیا لەم بڕوایەدان كە مۆبایلێكی هۆشمەند كە ئەركی فەیسبووك بەڕێوە ببات، تەنیا هەوڵدانێكی بێ بەهرەیە لەلایەن فەیسبووكەوە، چونكە زۆربەی مۆبایلەكان ئەو تایبەتمەندییانەی تێدایە كە سایتی فەیسبووك بكەنەوە. ڕەنگە تەنیا ئەوە بێت كە فەیسبووك بڵێت منیش لەو بوارەدا هەم و بوونی خۆی بسەلمێنێت.