هەمیشە لەكۆمپانیای گوگڵ ئەوە چاوەڕوانی دەكرا كە چ خزمەتگوزارییەكی نوێی بۆ داهاتوو پێیە، بەڵام لەم ماوەیەدا پێچەوانەی ئەم هەواڵەمان بیست كە گوگڵ چەندین خزمەتگوزاری خۆی بۆ هەمیشە راگرتووە، یەكێك لەو خزمەتگوزارییانە خزمەتگوزاری google deskop بوو كە بەكارهێنەران باش دەزانن پرۆگرامێكی بچووك بوو كە ئەركی دۆزینەوەی فایل و داتاكانی لەسەر كۆمپیوتەر بەڕێوە دەبرد. هەروەها خزمەتگوزاری google pack و كەئەویش خۆی لە 13 پرۆگرام دەدا.
جێگری بەڕێوەبەری كۆمپانیای گوگل لەو بارەیەوە رایگەیاند كە پەكخستنی ئەو خزمەتگوزارییانە لە بەرژەوەندی بەشداربووان دایە، چونكە گوگل هەوڵ دەدات لەجێگەی ئەوانە خزمەتگوزاری زۆر گرنگتر و پێشكەوتووتر بەرهەم بێنێ. چونكە بوونی ئەو خزمەتگوزارییە بچووكانە و ئەو بودجەیەی بۆ ئەوانە تەرخان دەكرا، گرفت بوو لەسەر رێگەی داهێنانی نوێ.