بانگەشەیەكی نادروست هەیە، كە دەگوترێ ماكیاژ بۆ پێست كاردانەوەی خراپی دەبێت، بەتایبەت ئەگەر بەبەردەوامی بەكاربهێنرێت، بەڵام ئەوە راست نییە، ئەگەر ماكیاژەكەت بە رێكودروستی بكەیت، یان ئەو جۆرە ماكیاژە بەكاربهێنیت كە لەگەڵ پێستت بگونجێت، هیچ كێشەت نابێت. بۆ ئەوانەی هەمیشە خولیای ماكیاژن، با ئیدی دڵگران نەبن و بەم رێنماییانەوە بەردەوام ماكیاژی خۆیان بكەن:
- پێویستە بەر لە بەكارهێنانی هەر بۆیەو دەرمانێك، دەموچاوت بە جوانی بشۆیت، تا هیچ پاشماوەیەكی دیكەی لەسەر نەمابێت.
- تەڕ كردن و نەرمكردن، گرنگترین هەنگاوی سەرەتای ماكیاژە، كاتێك ماكیاژ دەكەیت، كرێمی تەڕكردن بەكاربهێنە.
- لادانی ماكیاژ: گرنگە بەر لە نووستن ماكیاژەكەت لابدەیت و دەموچاوت پاك بكەیتەوە، چونكە هەر ئەوەیە دەبێتە هۆی تێكدانی پێستی روخسارت.
- سیرۆم: بریتییە لە رۆنی روخسار، بۆ چەوركردن و نەرمكردنی پێستی دەموچاوە، گرنگە بەر لە ماكیاژ كەمێكی بەكاربهێنیت.
- كرێمی شەوانەی روخسار: بۆ ئەوەی پێستت لە هەموو پاشماوەی ماكیاژ و ڤایرۆس و بەكتیریا بەدوور بێت، كەرێمی شەوانە بەكاربهێنە.
- كرێمی رۆژانە: بە تایبەت كاتێك لەبەر خۆر دەبیت، پێویستە كرێمی دژەهەتاو بەكاربهێنیت، بۆ پارێزگاری پێستت لە تیشكی خۆر.
- كرێمی چاو، پێستی ژێر چاو، هەستیارو ناسكە، پێویستە ماوە ماوە گرنگی پێبدەیت و كرێمی تەڕكردن و پارێزگاریكردنی لێی بدە تا پارێزراو بێت.