هه‌میشه‌ دیاری شتێكی به‌نرخه‌ به‌تایبه‌تی ئه‌گه‌ر له‌كه‌سی نزیك و خۆشه‌ویسته‌وه‌ بێت، ئه‌و كه‌سه‌ی ده‌یه‌وێت دیاریه‌ك ببه‌خشێت به‌ دڵ و ئاره‌زووی خۆی دیاریه‌ك هه‌ڵده‌بژێرێت و ده‌یرازێنێته‌وه‌ تا پێشكه‌ششی هاوڕێ و خزم و كه‌سه‌ نزیك وی‌ دووره‌كانی بكات.

بێگومان دیاری كاتی خۆی هه‌یه‌ و زیاتر له‌ كاتی بۆنه‌كاندا وه‌ك ئاهه‌نگی هاوسه‌رگیری یان له‌دایك بوون پێشكه‌ش ده‌كرێت، ره‌نگه‌ هه‌ندێك دیاری سه‌یر و سه‌رسوڕهێنه‌ر هه‌بن كه‌ باوه‌ڕ نه‌كه‌ین ئه‌وه‌ دیاریه‌، زۆرجار كه‌سێك به‌نرخترین شتی خۆی پێشكه‌ش به‌ خۆشه‌ویسترین كه‌سی ده‌كات وه‌ك نمونه‌ی گه‌نجێكی ئه‌مه‌ریكی بۆ ئه‌وه‌ی ئه‌ڵقه‌ی هاوسه‌رگیری پێشكه‌ش به‌و كچه‌ بكات كه‌ خۆشی ده‌وێت ددانی خۆی ده‌رهێنا و له‌بری مرواری و نقێم و ئه‌ڵماس كردیه‌ ناو ئه‌ڵقه‌یه‌كه‌وه‌ و پێشكه‌شی ده‌زگیرانه‌كه‌ی كرد.

ئه‌م گه‌نجه‌ ده‌ڵێت "بۆ ئه‌وه‌ی هاوسه‌رگیریه‌كه‌مان چاولێكه‌ری نه‌بێت و جیاواز بێت ئه‌م كاره‌م ئه‌نجامدا"، ده‌زگیرانی ئەم گەنجە به‌ دڵێكی فراوانه‌وه‌ ئەم دیاریە قبوڵ ده‌كات سه‌رسام ده‌بێت به‌ بیرۆكه‌كه‌ی.

خه‌ندان لایف