پێداویستیه‌كانی دروستكردنی:
½ پیازی وردكراو
¼ كوپ مه‌عده‌نوسی وردكراو
¼ كوپ كه‌ره‌وزی وردكراو
½ كوپ ته‌ماته‌ی وردكراو
½ كوپ نیسكی خری سه‌وز
كوپێك نۆكی قوتو واتا ئامه‌ده‌كراو
1 كه‌وچكی بچوك زه‌عفه‌ران
½ یان 1 كه‌وچكی گه‌وره‌ دۆشاوی ته‌ماته‌
150 گرام گۆشتی ورد كراو
كه‌وچكێكی گه‌وره‌ زه‌یتی زه‌یتون
خوێ به‌گوێره‌ی ئاره‌زوو

چۆنێتی دروستكردنی:
زه‌یتی زه‌یتونه‌كه‌ ده‌خه‌ینه‌ مه‌نجه‌ڵێكه‌وه‌ ده‌یخه‌ینه‌ سه‌ر ئاگر پاشان گۆشته‌كه‌ی تێده‌كه‌ین.

دوای گۆشته‌كه‌مان سور بۆوه‌ و ئاڵ بوو پیازی تێده‌كه‌ین و تێكی ده‌ده‌ین له‌ پاشان كه‌ره‌وز، زه‌عفه‌ران، ته‌ماته‌، دۆشاوه‌كه‌ی ده‌كه‌ین به‌سه‌ردا.

پاشان 6 كوپ ئاوی تێده‌كه‌ین و بۆ ماوه‌ی 10 خوله‌ك تێكی ده‌ده‌ین، دواتر مه‌عده‌نوس و نۆكه‌كه‌ و خوێكه‌ی تێده‌كه‌ین و سه‌ری مه‌نجه‌ڵكه‌ ده‌نێینه‌وه‌ و وازی لێدێنین بۆ ماوه‌ی 10 خوله‌ك و پێشكه‌شی ده‌كه‌ین.

تێبینی: ده‌كرێ هه‌ر به‌هاراتێك كه‌ خۆت ئاره‌زوو بكه‌یت تێی بكه‌یت.