هەندێك لە كچان و خانمان بە دەست رەشەخاڵی وردی روخساریان دەناڵێنن، تەنانەت ئەگەر ماكیاژیشی بكەن، هەر دیار دەبێ، رەشەخاڵ زیاتر لەسەر لووت و كوڵمەدا دەردەكەون، ناوەوەی رەشە و لە سەرەوەش بە خاڵێكی بچووكی رەشكن دیارە، هەندێك لە پسپۆران دەڵێن: بۆ نەمان و لە ناو چوونی ئەو رەشەخاڵە بچووكانەی لە روخسارتدا هەن، دەبێ دوور بكەویتەوە لە خواردنی پەنیر و شوكۆڵاتە، بەڵام ئەوە چارەسەری یەكجارەكی نییە، بەڵكو زیاتر لە چەند چارەسەرێكی دیكەدا خستویانەتە روو كە ئەمانەن :
- پاك راگرتنی رۆژانەی روخساری دەم و چاو كە بەیانیان و شەوان بشۆردرێت.
- دەستكاری نەكردنی رەشەخاڵی روخسار، یان بە تەقاندن و خوراندنی زۆرەوە، كە زیاتر تەشەنە دەكات.
- خواردن بە هێواشی بخۆ، تا نەچێتە ناو خانەكانی پێست و بمێنێتەوە.
- هەوڵبدە رۆژانە بڕێكی زۆر ئاو بخۆرەوە.
- بەیانیان كرێمی تەڕی روخسار بەكاربێنە، تا خانەكانی پێستت وشك نەبن و دواتریش ئەو رەشەخاڵانەی لێ پەیدا ببن.
- لێكردنەوەی ماكیاژ بەر لە نووستن، تەنانەت مەهێڵە بڕێكی كەمیشی پێوە بێت.
- ئەگەر رەشەخاڵ لە روخسارت زۆر بوون، وا چاكە سەردانی سەنتەری جوانكاری بكەی، كە بە ئامێری لیزەر بۆت لادەدەن و هیچ زیانێكیشی نییە.