زۆربەی كچان حەز بە برژانگی پڕ و ئەستوور دەكەن، مەبەستیشیان ئەوەیە بە دڵی خۆیان مۆدێكی جوانی لەسەر بنەخشێنن، چونكە ئەوانەی برژانگیان تەنكە، یان وردە، ناتوانن لەلای ئارایشتگەر بە دڵی خۆیان شێوازێك بخوازن، لێرەدا خانمان دەتوانن بە گیراوەی سرووشتی، یان چەند هەنگاوێك وا بكەن كە برژانگیان پڕ و گەورە دیار بكەوێت، كە لێرەدا ئاماژەی پێدەكەین:
- بەكارهێنانی فازلین، شەوانە پێش خەوتن بڕێكی كەم فازلین بهێنە و لە ژێر و سەرەوەی برژانگتی بدە، لە بیریشی مەكە هەموو بەیانییەك دەم وچاوت و برژانگت بە ئاوی شلەتێن بشۆ، دوای ماوەیەك هەست بە گۆڕانكاری لە شێوە و پڕیی برژانگت دەكەیت.
- بەكارهێنانی رۆنی گەرچەك، ئەوەش بە هەمان شێوەی فازلین لە برژانگ دەدرێ و بە گیراوەیەكی سەرەكی و بەهێز دادەنرێ، بۆ بەهێزكردن و پڕكردنی برژانگ، رەنگی مووی برژانگ تۆختر دەكات، درێژ و پتەوتر دەبێـت.
- بەكارهێنانی شیر، دەتوانی بە بەكارهێنانی شیر، برژانگت درێژ و پڕتر بكەیت، پەموویەك بهێنە و بە شیری بكە، دواتر ئەو پەمووە بە شیرە لەسەر برژانگت دابنێ، تا بە جوانی تەڕی دەكات و مووەكانی برژانگ سوود لە شیرەكە وەردەگرن، دوای ماوەی (15) خولەك برژانگت بە ئاوی شلەتێن بشۆ.