ئامادەكردنی گوڵان
دوای ئاشكرابوونی گەورەترین قاچاخچێتی ماددە هۆشبەرەكان لەلایەن پۆلیسی گومرگی سعودییەوە كە لە خاكی لوبنانەوە نێردرابووە ئەو وڵاتە، كە بەهۆیەوە وڵاتی سعودییە هێنانی كاڵاو بەرهەمە كشتوكاڵیەكانی لوبنانی قەدەغە كرد ، هەریەك لەوڵاتانی كوێت و ئیمارات و عەمان و بەحرێن پاڵپشتی بڕیارەكەیان كرد، لەلایەن خۆیانەوە دەسەڵاتدارانی لوبنان ناڕەزایەتی توندیان لەسەر بڕیارەكەی سعودییە دەربڕی .
زیادبوونی بازرگانیكردن بەماددە هۆشبەرەكان لەلایەن بازرگانەكانی ماددە هۆشبەرەكان لەلوبنان و ناردنە دەرەوەی بۆ وڵاتانی دەوروبەر كە بەهۆی دابەزینی بەهای لیرەو قەیرانی دارایی و ئابوورییەوە وڵاتی لوبنان دووچاری بووە، وایكردووە ئەم بازرگانی یە نایاساییە بەشێوەیەكی زۆر بڵاوبێتەوە و كاریگەریی لەسەر وڵاتانی دەوروبەریش بكات، تەنانەت هەندێك ئاژانسی هەواڵ باس لەوە دەكەن كە كەسانی دەستڕۆشتوو سیاسی و حزبە گەورەكانی ئەو وڵاتە لەم بارزگانییە نایاسایی یەدا تێوەگلاون.