وەزارەتی دەرەوەی ئەمەریکا رایگەیاند: شا عەبدوڵای دووەم، پاشای ئوردن پاڵپشتی تەواوی ئێمەی هەیە.

لە راگەێندراوێکدا نێد پرایس، گوتەبێژی وەزارەتی دەرەوەی ئەمەریکا لەبارەی هەوڵەکانی کودەتا و تێکدانی دۆخی ئەمنی ئوردن گوتی: "شا عەبدوڵا هاوبەشی راستەقینەی ئێمەیە و پشتیوانی تەواوی ئێمەی هەیە".

برایس ئاماژەیكرد: "لەگەڵ بەرپرسانی شانشینی ئوردن لە نزیکەوە چاودێری دۆخی ئەو وڵاتە دەکەین".

لە لایەكی دیكەوە دەسەڵاتدارانی سعوودیە رایانگەیاند، "لەتەك ئوردن دەوەستین و پشتیوانی لە بڕیارەكانی شا عەبدوڵڵای دووەم دەكەین لە پاراستنی ئەمنی وڵاتەكەی".

دیوانی شاھانەی سعوودیە لە راگەیاندراوێكدا، گوتی: "لە سۆنگەی ئەو پەیوەندییە شانشینی سعوودیە بە شانشینی ئوردن دەبەستێتەوە، كە پەیوەندی توكمە و چەسپاوی برایەتی و بڕوا و ھاوچارەنووسییە، ھەروەھا مێژووی ھاوبەشمانە، بۆیە ئەمنی ھەردوولامان لە یەكتر جیاناكرێنتەوە و شانشینی سعوودییەی عەرەبی جەخت لە وەستانی تەواوی دەكاتەوە لە تەك شانشینی ئۆردن".

دیوانی شاھانە لە راگەیاندراوەكەدا، "پشتیوانی تەواوی خۆی بە ھەموو توانایەكیەوە دەربڕی بۆ ھەر رێكارێك، كە شا عەبدوڵڵای دووەم و جێنشینەكەی، شازادە حوسێن بن عەبدوڵڵای دووەم دەگرنەبەر لە ھەر بڕیارێك و رێوشوێنێك بۆ پاراستنی ئەمن و سەقامگیری و رێگەگرتن لەبەردەم ھەر ھەوڵێك بۆ تێكدانیان".

له‌ لایه‌كی دیكه‌وه‌ سه‌رۆكایه‌تی میسر له‌ راگه‌یه‌ندراوێكدا جه‌ختی له‌سه‌ر پاراستنی ئاسایش و سه‌قامگیری شانشینی ئوردن كرده‌وه‌ و دووپاتیكرده‌وه‌، ئوردن به‌شێكه‌ له‌ ئاسایشی نه‌ته‌وه‌یی میسری و عه‌ره‌بی.
k24 -