مارك جارنۆ، وه‌زیری ده‌ره‌وه‌ی كه‌نه‌دا ریگه‌یاند، وڵاته‌كه‌ی 43.600.000 (چل و سێ ملیۆن و شه‌ش سه‌د هه‌زار) دۆلار له‌چوارچێوه‌ی به‌رنامه‌ی پرۆسه‌ی ئاشتی و سه‌قامگیری بۆ 11 (یازده‌) پرۆژه‌ له‌ عێراق و سوریا ته‌رخان ده‌كات.

به‌گوێره‌ی راگه‌یه‌ندراوێكی وه‌زاره‌تی ده‌ره‌وه‌ی كه‌نه‌دا، ته‌رخانكردنی بڕی 43.600.000 (چل و سێ ملیۆن و شه‌ش سه‌د هه‌زار) دۆلار له‌لایه‌ن وڵاته‌كه‌یه‌وه‌ له‌چوارچێوه‌ی پابه‌ندبونی كه‌نه‌دایه‌ به‌ هاوپه‌یمانی جیهانی بۆ شكستپێهێنانی رێكخراوی داعش و چه‌سپاندنی سه‌قامگیری له‌ عێراق و سوریا و ناوچه‌كه‌.

پاره‌كه‌ی كه‌نه‌دا له‌چوارچێوه‌ی پڕۆژه‌كانی پشتگیری هاوپه‌یمانی جیهانیه‌ كه‌ به‌پله‌ی یه‌كه‌م به‌مه‌به‌ستی بوژانه‌وه‌ی ژێرخانی گشتی و خزمه‌تگوزاریه‌ سه‌ره‌تاییه‌كان ته‌رخانده‌كرێت
پاره‌كه‌ی كه‌نه‌دا له‌چوارچێوه‌ی پڕۆژه‌كانی پشتگیری هاوپه‌یمانی جیهانیه‌ كه‌ به‌پله‌ی یه‌كه‌م به‌مه‌به‌ستی بوژانه‌وه‌ی ژێرخانی گشتی و خزمه‌تگوزاریه‌ سه‌ره‌تاییه‌كان ته‌رخانده‌كرێت، به‌تایبه‌ت نه‌هێشتنی پاشماوه‌كانی جه‌نگ و هه‌روه‌ها به‌هێزكردنی ئاشتی و سه‌قامگیری، رێگریكردن له‌دزه‌كردنی تیرۆرستان له‌سنوره‌كان و روبه‌ڕوبونه‌وه‌ی رێكخراوی چه‌كداری داعش.

پێشتریش، كارینا گۆڵد وه‌زیری په‌ره‌پێدانی كه‌نه‌دا رایگه‌یاندبو، كۆمه‌كی نوێی وڵاته‌كه‌ی به‌ بڕی وڵاته‌كه‌ی 43.600.000 (چل و سێ ملیۆن و شه‌ش سه‌د هه‌زار) دۆلار بۆ رۆژهه‌ڵاتی ناوه‌ڕاست ته‌رخانكراوه‌.








خه‌ندان-