نه‌ته‌وه‌ یه‌كگرتووه‌كان رایگەیاند، نۆ رێكخراوی مرۆیی به‌هۆی وشكبوونی سه‌رچاوه‌ی داراییان كاره‌كانیان له‌ رۆژئاوای كوردستان راگرت.

مارك لوكۆك، هه‌ماهه‌نگكاری نه‌ته‌وه‌ یه‌كگرتووه‌كان بۆ كاروباری مرۆیی گوتی: به‌هۆی كه‌مبوونی پشتیوانییه‌كانی دارایی له‌و رێكخراوانه‌، نۆ رێكخراوی مرۆیی له‌ باكووریی رۆژهه‌ڵاتی سوریا كاره‌كانیان راگرتووه.

گوتیشی: "سێ به‌شی دانیشتوانی رۆژئاوای كوردستان پێویستیان به‌ یارمه‌تیی مرۆیی هه‌یه"‌.

له‌ چوارچێوه‌ی كۆنگره‌ی برۆكسل نه‌ته‌وه‌ یه‌كگرتووه‌كان رایگه‌یاند، 24 ملیۆن سووریایی پێویستیان به‌ هاریكاری مرۆیی هه‌یه ‌و له‌ماوه‌ی ده‌ ساڵی رابردووشدا 10 ملیار دۆلار بۆ پشتیوانی خۆراكی بۆ 10 ملیۆن كه‌س خه‌رج كراوه‌.
k24 -