ئەمڕۆ پێنجشەممە پۆلیسی توركیا رای گەیاند 13 كەسیان لە میانی دەربڕینی ناڕەزاییەكان لە شاری ئیستەنبۆڵ، لەسەر سووكایەتیكردن بە رەجەب تەیب ئەردۆغان سەركۆماری توركیا دەستگیر كردووە، ئەمەش هەفتەیەك دوای بەڵێنەكەی ئەردۆغان دێت لەبارەی پاراستنی ئازادیی رادەربڕین لە وڵاتەكە.

تۆڕی هەواڵی "سكای نیوز" بڵاوی كردەوە نووسینگەی شارەداری ئیستەنبۆڵ ئاشكرای كردووە كە بەپێی چەندی تۆمارێكی ڤیدیۆیی، 18 كەس لەمیانی خۆپیشاندانەكانی ڕۆژی هەشتی مارس، هوتافیان لە دژی ئەردۆغان گوتووەتەوە، لەناویاندا 13 كەس ناسراونەتەوە و بە بڕیاری دادوەر، دەستگیر كراون.

ئەمەش لە كاتێكدایە هەفتەی رابردوو ئەردۆغان بەڵێنی دابوو حكوومەتی وڵاتەكەی هانی ئازادی رادەربڕین دەدات.

لای خۆیانەوە كۆمەڵەی پارێزەرانی پێشكەوتنخواز لە (تویتەر)ەوە بڵاویان كردووەتەوە كە 12 ئافرەت لە ناو ماڵەكانی خۆیاندا بە تۆمەتی سووكایەتیكردن بە ئەردۆغان دەستگیر كراون.













باسنيوز