ماڵپەڕیکی تایبەت بە مافی ڕووماڵی هەواڵەکانی مرۆڤ لە ئێران، بڵاوی کردەوە لە رۆژانی رابردوودا لە شاری مەشهەد سێ بەندکراو کە پێڕەوی مەزهەبی سوننە بوون لەلایەن دەزگای دادوەریی ئێرانەوە لە سێدارە دراون.

ماڵپەڕی (هرانا) لەمبارەوە بڵاوی کردووەتەوە: "حەمید ڕاست باڵا، سەعادەت جەهانی و محەمەدعەلی ئارایش" سێ بەندکراوی پێڕەوی مەزهەبی سوننە لە مەشهەد کە لەلایەن دەزگای دادوەریی ئێرانەوە بە تاوانی ئەندامەتی لە گرووپە سەلەفییەکانی "حزبی ئەلفەرقان و بەرەی هاوئاهەنگیی نەتەوەیی پێڕەوانی سوننە لە ئێران" حوکمی سێدارەیان بەسەردا سەپابوو، لەسێدارە دراون.

ئەو سێ بەندکراوە ساڵی ٢٠١٥ لەلایەن وەزارەتی ئیتلاعاتەوە دەستگیر و ساڵی ٢٠١٨ لەلایەن دەزگای دادوەریی ئێرانەوە حوکمی سیدارەیان بۆ بڕایەوە.

بەپێی هەمان سەرچاوە لەبارەی هەمان دۆسیەوە پێنج کەسی دیکەش بەناوکانی "فەرهاد شاکری، عیسا عەید محەمەدی، تاج‌محەمەد خورماڵی، حەکیم عەزیم و گورگیج عەبدولڕەحمان گورگیج"یش بە هەمان تاوان حوکمی سێدارەیان بۆ بڕاوەتەوە، بەڵام جێبەجێکردنی حوکمەکانیان هێشتا دیار نییە و مەترسیی سیدارەدانیان لەسەرە.













باسنيوز