گرووپێکی سەر بە تورکیا بە سەدان مووشەک، بنکە سەربازییەکانی سەر بە رژێمی سووریای لە باکووری رۆژئاوای ئەو وڵاتە، کردە ئامانج.

تۆپباران و مووشەکبارانەکە لەلایەن گرووپی بەرەی نیشتمانی بۆ رزگاری، کە تورکیا پاڵپشتیی دەکات، لە شەوی دووشەممە 26-10-2020ـەوە کراوەتە سەر بنکە سەربازییەکانی رژێمی سووریا لە شاری ئیدلیب و دەوروبەری.

ئەو تۆپبارانکردنەی رژێمی سووریا دوای ئەوە دێت، کە لە ئەنجامی بۆردومانێکی ئاسمانیی سوپای رووسیا، 78 چەکداری گرووپی فەیلەقی شامی سەر بە تورکیا وژران و زیاتر لە 90ـی دیکەش بریندار بوون.

دوای بۆردومانەکەی سوپای رووسیا، بەرەی نیشتمانی بۆ رزگاری، کە فەیلەقی شامم یەکیکە لە گرووپەکانی، رایگەیاندبوو، کە وەڵامی توندیان بۆ ئەو بۆردومانە دەبێت.











باسنيوز