له ڕووسیا زۆرترین ژمارهى تووشبوون به كۆرۆنا تۆمار كرا
بەپێی دوایین ئامارەکان، ئەمڕۆ سێشەممە 20/10/2020، لە ڕووسیا 16 ھەزار و 319 کەسی دیکە تووشی کۆرۆنا بوون، ژمارەی تووشبوانی پەتاکەش لە وڵاتەکە گەیشتە ملیۆنێک و 431 ھەزار و 635 کەس، ئهمهش زۆرترین ژمارهى تووشبوون به كۆرۆنایه، كه تا ئێستا له ڕووسیا تۆمار كرابێت.
ئەمەش لەکاتێکدایە دوێنێ دووشەممە لە ڕووسیا، 15 ھەزار و 982 کەسی دیکە تووشی کۆرۆنا ببوون.
ھەر لە ڕووسیا 269 کەسی دیکە بەھۆی کۆرۆناوە گیانیان لەدەست دا، کۆی گشتیی مردوانیش لە ھەمان وڵات بەھۆی پەتاکەوە گەیشتە 24 ھەزار و 635 کەس، تا ئێستاش لە ڕووسیا ملیۆنێك و 85 ههزار و 608 کەس لە کۆرۆنا چاک بوونەتەوە.
باسنيوز
