وەزیری ناوخۆی فڕەنسا رایگەیاند، ژمارەیەکی زۆر رێکخراوی کۆمەڵگای مەدەنیی موسڵمانان لە وڵاتدا دادەخەن، ئەوەش دوای ئەوەی تەرمێکی مامۆستایەکیان دۆزیوەتەوە.

جیراڵد دارمانین، وەزیری ناوخۆی فڕەنسا لە لێدوانێکیدا بۆ رادیۆی Europe1 رایگەیاند، "دوای دۆزینەوەی تەرمی مامۆستایەک بە سەربڕدراوی لە ناوچەی کۆنفلانس سانت-هۆنۆرینل، 51 دەستە و رێکخراوی کۆمەڵگای مەدەنیی موسڵمانان لەلایەن دەوڵەتەوە دەخرێتە ژێر چاودێرییەوە".

ژمارەیەک لەو دەستە و رێکخراوانە بە رەزامەندی ئەنجومەنی وەزیران، دادەخرێن

ئاماژەی بەوەشکردوە، ژمارەیەک لەو دەستە و رێکخراوانە بە رەزامەندی ئەنجومەنی وەزیران، دادەخرێن.

هەفتەی رابردو لە پاریسی پایتەختی فڕەنسا هێرشکرایە سەر رێکخراوی بەرەکەسیتی (BarakaCity)، هەروەها ماڵی دامەزرێنەری رێکخراوەکە.





خەندان