ژمارەیەک تەقینەوە لە شاری ریازی پایتەختی سعودیە روویان دا، دوای ئەوەی چەند مووشەکێکی حوسییەکانی یەمەن تێکشکێندران.

کەناڵی (ئەلمەسیرە)ی حوسییەکانی یەمەن بڵاوی کردووەتەوە، کە سەرلەبەیانیی رۆژی چوارشەممە 9/5/2018 چەکدارانی حوسییەکان بەندەری جاف و چەند ئامانجێکی ئابوورییان لە ریاز بە مووشەکی لایتیسی (بورکان H2) کردووەتە ئامانج.

ماڵپەڕی (ئەلعەرەبییە)ی سعودیش بڵاوی کردووەتەوە، کە سیستەمی بەرگریی ئەو وڵاتە دوو مووشەکی بالیستیی حوسییەکانیان لە ئاسمانی ریاز خستووەتە خوارەوە و دوای چەند خولەکیش، چوار تەقینەوە لە ریاز روویان داوە.

تا ئێستا حکوومەتی سعودیە هیچ بەیاننامەیەکی لە بارەی خستنە خوارەوەی مووشەکەکان و شوێنی کەوتنە خواەوەیان، بڵاو نەکردووەتەوە.

بزووتنەوەی حوسییەکان (ئەنساروڵڵا)ی یەمەن میلیشیایەکی چەکداریی شیعەمەزهەبی یەمەنییە و کۆماری ئیسلامیی ئێرن پاڵپشتیی دارایی و سەربازیی دەکات.








باسنیوز