ده‌وڵه‌تى ئیمارات پشتیوانیی له‌ هه‌نگاوێكى شانشینی مه‌غرب ده‌كات بۆ پچڕاندنى په‌یوه‌ندییه‌ دیپلۆماسییه‌كانى له‌گه‌ڵ ئێران و جه‌خت ده‌كاته‌وه‌، به‌و هه‌نگاوه‌ وڵاته‌كه‌یان سه‌قامگیرتر ده‌بێت.

وه‌زاره‌تى ده‌ره‌وه‌ى ئیمارات له‌ ڕاگه‌یاندراوێكدا، نووسیویه‌تى: "له‌گه‌ڵ شانشینی مه‌غرب ده‌وه‌ستینه‌وه‌ بۆ ڕووبه‌ڕووبوونه‌وه‌ى هه‌ر هه‌ڕه‌شه‌یه‌ك بۆ سه‌ر ئاسایش و یه‌كپارچه‌یی ئه‌و وڵاته‌".

دوێنێ سێشەممە وەزیری دەرەوەی مەغریب دەركردنی باڵوێزی ئێرانی لە وڵاتەكەی راگەیاند و دووپاتی كردەوە پەیوەندییەكانیان بەشێوەیەكی كۆتایی لەگەڵ ئێران دەپچڕێنن.

ناسر بوریتە وەزیری دەرەوەی مەغریب رایگەیاند شانشینی مەغریب پەیوەندییەكانی لەگەڵ ئێران دەپچڕێنێت، ئەمەش بەهۆی هاوكاریكردنی بۆلیساریۆ لەلایەن حكوومەتی تارانەوە.








باسنيوز