سەرکردەیەکی رێکخراوی تیرۆریستی داعش لە نیمچەدوورگەی سینا لە میسر، کوژرا.

رۆژی چوارشەممە 18/4/2018، عەقید تامر رفاعی، گوتەبێژی سوپای میسر لە بەیاننامەیەکدا رایگەیاندووە، سوپای میسر هەڵی کوتاوەتە سەر چەند بارەگایەکی داعش لە ناوچە شاخاوییەکانی ناوەڕاستی سینا.

تامر ریفاعی هەروەها رایگەیاندووە، لە ئۆپەراسیۆنەکەدا، سەربازانی سوپای میسر دوای رووبەڕووبوونەوەیەکی سەخت، توانیویویانە ناسر ئەبو زەقول، ئەمیری داعش لە سینا بکوژن.

دوای دروستبوونی داعش و دامەزراندنی دەوڵەتێکی تیرۆریستی لەلایەن ئەو رێکخراوەوە، چەکدار و گرووپە توندڕەوەکانی سینا لە میسر خۆیان وەک بەشێک لەو دەوڵەتە تیرۆریستییە، ناساند.










باسنيوز