عه‌للائه‌دین بروجه‌ردی ، سه‌رۆكی لیژنه‌ی ئاسایشی نه‌ته‌وه‌یی و سیاسه‌تی ده‌ره‌وه‌ی ئه‌نجوومه‌نی شورای ئیسلامی ئێران پێیوایه‌، كه‌شوهه‌وای سیاسی نێوان واشنتن و مۆسكۆ، ئاماژه‌ی ئه‌وه‌ی تێدایه‌ كه‌ شه‌ڕی ساردی نێوانیان ده‌رگای قۆناغێكی نوێ به‌سه‌ر قه‌یرانی سووریادا ده‌كاته‌وه‌.

عه‌للائه‌دین بروجه‌ردی، سه‌رۆكی لیژنه‌ی ئاسایشی نه‌ته‌وه‌یی، له‌ لێدوا"ێكی رۆژنامه‌وانیدا رایگه‌یاندووه‌: "پێش ماوه‌یه‌ك شه‌ڕی ساردی نێوان ئه‌مریكا و رووسیا ده‌ستیپێكردووه‌ته‌وه‌و به‌تایبه‌تی پاش ئه‌وه‌ی واشنتن سزای به‌سه‌ر رووسیادا سه‌پاند و پاش رووداوه‌كانی ئه‌م دواییه‌ و هێرشی مووشه‌كی وڵاتانی رۆژئاوا بۆ سه‌ر بنكه‌ و دامه‌زراوه‌كانی سووریا، هه‌ر بۆیه‌ شه‌ڕی سارد باڵی به‌سه‌ر كه‌شوهه‌وای سیاسی نێوان هه‌ر دوو وڵاتدا كێشاوه‌".

بروجه‌ردی ئه‌وه‌یشی گوتووه‌، رووداوه‌كانی سووریا قۆناغێكی نوێ له‌ جه‌نگی ساردی نێوان مۆسكۆ و واشنتن درووست ده‌كات.

ئه‌و به‌رپرسه‌ ئێرانییه‌ ئاماژه‌ی به‌وه‌شكردووه‌، ئه‌گه‌ر ئه‌مریكا بیه‌وێت به‌رده‌وام بێت له‌سه‌ر ئه‌و یارییه‌، رووبه‌ڕووی كاردانه‌وه‌ ده‌بێته‌وه‌و به‌و هۆیه‌شه‌وه‌ زیانی پێده‌گات و زیان به‌ر ئاسایشی ناوچه‌كه‌یش ده‌كه‌وێت.








K24 -